Рот за посетата на Скопје: Добро е да се вратиш во овие предизвикувачки времиња за Македонците, но вие никогаш нема да чекорите сами

Рот денеска беше примен и од претседателот на законодавниот дом, Талат Џафери, а оствари средба и со претседателот на собраниската Комисија за надворешни работи, Антонио Милошоски

Пратеникот од германскиот Бундестаг воедно и претседател на тамошната Комисија за надворешна политика Михаел Рот, пред денешните средби со државниот врв и во Парламентот во Скопје на Твитер напиша дека доаѓа во предизвикувачко и фрустрирачко време за Македонците.

„Добро утро Скопје! Добро е да се вратиш во предизвикувачки, фрустрирачки времиња за Македонците! Но, вие никогаш нема да чекорите сами… Надежта е клучот! И патем: Македонскиот е јазик во Европа на културни различности!“,

напиша на Рот на Твитер.

Добро утро Скопје! Good to be back in challenging, frustrating times for the Macedonians. But you’ll never walk alone… Hope is key! And by the way: Macedonian is a language in a Europe of cultural diversity! 😜 🇲🇰🇪🇺🇩🇪

— Michael Roth – official 🇪🇺🇺🇦🇮🇱🇬🇪 (@MiRo_SPD) August 31, 2022

Германскиот пратеник Рот е на средба со претседателот Стево Пендаровски, по што треба да се сретне и со вицепремиерот задолжен за европски прашања Бојан Маричиќ и со министерот за надворешни работи Бујар Османи.

Михаел Рот денеска во Скопје на средби со државниот врв

Претходно Рот беше примен и од претседателот на законодавниот дом Талат Џафери, а имаше средба и со претседателот на собраниската Комисија за надворешни работи Антонио Милошоски.

Михаел Рот пред да биде избран за пратеник во Бундестагот ја извршуваше функцијата државен министер за Европа во германското МНР.