Во Црна Гора задолжително е носење заштитни маски во здравствените установи, колективните центри и јавните превозни средства, во сите институции на јавната администрација, продавници за намирници, аптеки и бензински пумпи, на аеродроми, железнички и автобуски станици
Владата на Црна Гора одлучи актуелните епидемиолошки мерки против коронавирусот, кои главно се однесуваат на носење заштитни маски, ќе останат на сила во следните 14 дена, објави порталот РТЦГ.
„Врз основа на сеопфатна анализа на бројот на нови случаи и епидемиолошки показатели, што беше разгледана од Работната група за контрола, превенција и сузбивање на заразната болест ковид-19 на Институтот за јавно здравје, Владата одлучи дека мерките што важат ќе останат во сила во наредните 14 дена и дека според измените може да се коригираат моменталните епидемиски состојби“,
соопшти Министерството за здравство.
Во Црна Гора задолжително е носење заштитни маски во здравствените установи, колективните центри и јавните превозни средства, во сите институции на јавната администрација, продавници за намирници, аптеки и бензински пумпи, на аеродроми, железнички и автобуски станици.