Во Австрија е прогласена вонредна состојба откако некои села во јужната провинција Корушка беа отсечени поради лизгање на земјиштето и поплави по обилните дождови кои синоќа ја зафатија областа.
Во реонот во спасувањето на мештаните учествувале 30 противпожарни единици, а горската спасувачка служба со кучиња трагачи трага по две исчезнати лица. Во поплавите почина едно 82-годишно лице.
Schlimme Bilder aus #Arriach in #Kärnten, welches heute Nacht von mehreren Unwetterzellen getroffen wurde. Der Ort ist derzeit lt. ORF von der Außenwelt abgeschnitten und nicht durch die Einsatzkräfte erreichbar
— Unwetter-Freaks (@MichaelHutter6) June 29, 2022
©️ Mario Kornberger @Kachelmannwettr @manu_bx @alpen_wetter pic.twitter.com/iLrZ7b2a3N
Неколку лица со хеликоптер се префрлени на безбедни локации од домовите во кои останале заробени поради огромните поплави.
Извештаите велат дека селата Трефен и Арија сè уште се под вода, а неколку луѓе сè уште се заробени.
Инаку, Австрија неделава ја зафати екстремен топлотен бран, проследен со серија грмотевици. Научниците предупредуваат дека зголемувањето на бројот на екстремни временски услови во Европа е директна последица на глобалното затоплување.