Северодонецк беше последниот значаен дел од регионот Луганск, што се уште беше делумно под украинска контрола
Украинските сили добија наредба да се повлечат од градот Северодонецк во источна Украина по неколкунеделни жестоки борби, јави агенцијата ДПА, повикувајќи се на властите.
#Ukrainian officials ordered a controlled withdrawal of troops from #Severodonetsk. Ukrainian forces will likely maintain their defenses around #Lysychansk and continue to exhaust #Russian troops after the fall of Severodonetsk.
— ISW (@TheStudyofWar) June 25, 2022
Read the latest: https://t.co/AmtTTxCa4p pic.twitter.com/jEUXYRfHaO
Според украинските власти нема речиси ништо да се брани во главно уништениот град и на војниците им е наредено да заминат и да се прегрупираат. Северодонецк беше последниот значаен дел од регионот Луганск, што се уште беше делумно под украинска контрола.
„Сега ситуацијата е таква што нема смисла да се држат позиции кои се нарушени. Затоа на нашите бранители кои се таму веќе им е наредено да се повлечат на нови позиции од каде што можат да спроведуваат нормални воени операции од целосен обем“,
изјави регионалниот гувернер на Луганск, Сергиј Гајдај.
Според него, околу 90 отсто од зградите во Северодонецк се уништени. Од 100 000 жители на градот, останаа речиси 8 000.
Киев вчера соопшти дека руските сили продолжуваат да ја напаѓаат индустриската зона Северодонецк. Стотици цивили, наводно, се уште бараат засолниште во хемиска фабрика „Азот“.