Од шпанската национална метеоролошка агенција предупредуваат оти топлотниот бран може да биде еден од најинтензивните во последните 20 години. Во градот Хаен во Андалузија се измерени 0,3 Целзиусови степени, што е за 16 степени повеќе од просечната температура за овој период од годината, а во останатиот дел од земјата се измерени температури за најмалку седум степени повисоки од просекот
Делови од Шпанија се зафатени од топлотен бран со рекордни температури за овој период од годината кои достигнуваат и до 40 Целзиусови степени.
Шпанската национална метеоролошка агенција АЕМЕТ издаде предупредувања за високи температури во 17 региони, а во градот Хаен во Андалузија се измерени 40,3 Целзиусови степени, што е за 16 степени повеќе од просечната температура за овој период од годината. Во останатиот дел од земјата, пак, се измерени температури за најмалку седум степени повисоки од просекот.
Медиумите известуваат дека луѓето на југот на Шпанија бараат најразлични начини за да се разладат, дури и со капење во градски фонтани.
Од шпанската национална метеоролошка агенција предупредуваат оти топлотниот бран може да биде еден од најинтензивните во последните 20 години. Во многу места низ Шпанија температурата во раните утрински часови не се спушти под 25 степени.
Инаку, со топлотни бранови се соочуваат и други места низ светот, меѓу кои Индија и Пакистан, како и делови од САД, пред сè сојузната држава Тексас.