Демонстрантите фрлаа камења и запалија автомобили и контејнери откако данскиот екстремен десничар Расмус Палудан најави состаноци во Шведска
Шведската Влада се сомнева дека лица од странство предизвикале немири што се случија во неколку шведски градови минатата недела, соопшти Министерството за правда на таа земја.
Демонстрантите фрлаа камења и запалија автомобили и контејнери откако данскиот екстремен десничар Расмус Палудан најави состаноци во Шведска.
Расмус Палудан запали копии од светата книга на муслиманите Куранот во Данска, критикувајќи го исламот, по што веста дека сака да го стори истото со Шведска предизвика гневни реакции.
Шведскиот министер за правда Морган Јохансон рече дека Палудан, кој има двојно данско-шведско државјанство, ја мрази Шведска поради некоја причина и се обидува да ѝ наштети.
Иран и Обединетите Арапски Емирати, чие население е претежно муслиманско, ги повикаа дипломатите во земјата на протести по најавата на Палудан за палењето на Куранот во Шведска.
Вкупно 26 полицајци и 14 демонстранти и други се повредени во немирите, а 20 полициски возила се уништени или оштетени, соопштија властите.
Последниот насилен протест се одржа во неделата вечерта во Малме, третиот по големина град во Шведска, кога претежно млади демонстранти запалија гуми и контејнери за ѓубре.
Немири и насилни судири се забележани и во неколку други шведски градови. Три лица се повредени во неделата во Норчепинг откако биле погодени од рикошети кога полицијата испукала предупредувачки истрели.