Во денешното соопштение се нагласува дека министерката за надворешни работи Теодора Генчовска го реафирмирала ставот на Бугарија во нејзиниот разговор со шефот на германската дипломатија во рамките на Советот за надворешни работи што се одржа вчера во Луксембург
Вчера германската министерка Аналена Бербок изјави дека Северна Македонија и Албанија треба да ги започнат преговорите за членство во ЕУ во првата половина на 2022 година, нагласувајќи дека имала билатерални разговори со бугарската министерка за надворешни работи Теодора Генчовска, при што двете се согласиле дека во сегашната ситуација клучно е да започнат преговорите за влез на Албанија и Северна Македонија во ЕУ
Бугарското Министерство за надворешни работи во денешното соопштение е категорично дека бугарската позиција за евроинтеграциите на Република Северна Македонија останува непроменета. Реакцијата, како што се наведува, е по шпекулациите во некои медиуми.
Во соопштението објавено на веб-страницата на Министерството се наведува дека Бугарија продолжува да се придржува до рамковната позиција за проширувањето на ЕУ и за процесот на стабилизација и асоцијација за Република Северна Македонија и Албанија од 9 октомври 2019 година, кои се едногласно поддржани со Декларацијата на Националното собрание од 10 октомври 2019 година и со седницата на Консултативниот совет за национална безбедност (КСНС) од 10.1.2022 година.
„Поддршката за проширувањето на ЕУ со земјите од Западен Балкан останува приоритет на бугарската надворешна политика и следејќи го критериумот на сопствените заслуги на секоја земја кандидат и почитувањето на основните вредности на Унијата, вклучително и почитувањето на човековите права и почитувањето на принципот на добрососедство“,
се вели во соопштението.
Исто така, се нагласува дека министерката за надворешни работи Теодора Генчовска го реафирмирала ставот на Бугарија во нејзиниот разговор со шефот на германската дипломатија во рамките на Советот за надворешни работи што се одржа вчера во Луксембург.
„Во однос на почетокот на преговорите за членство на Република Северна Македонија во ЕУ, клучно е Бугарија да постигне неповратни резултати во одржувањето добрососедски односи и добивање јасни гаранции во преговарачкиот процес на ЕУ за натамошна имплементација на Договорот за добрососедство од 2017 година. Очекуваме уставни гаранции за почитување на правата на Бугарите во Република Северна Македонија“,
се вели во денешното соопштение од бугарското МНР.
На крајот се потенцира дека водечки за бугарската страна се резултатите, а не посветеноста на конкретни рокови.
Вчера германската министерка Аналена Бербок изјави дека Северна Македонија и Албанија треба да ги започнат преговорите за членство во ЕУ во првата половина на 2022 година, нагласувајќи дека имала билатерални разговори со бугарската министерка за надворешни работи Теодора Генчовска, при што двете се согласиле дека во сегашната ситуација клучно е да започнат преговорите за влез на Албанија и Северна Македонија во ЕУ.