Очевидци сведочат дека се слушнал силен удар по што дошло до превртување на возилото. Од полицијата посочуваат дека возачот бил сам во автомобилот и се здобил со телесни повреди. Во моментов тој е во тетовската болница каде му се пружа лекарска помош, по што ќе биде позната и сериозноста на повредите. Меѓутоа, според првичните сознанија, не станува збор за тешки телесни повреди
Сообраќајна несреќа попладнево се случи во центарот на Тетово каде автомобил се преврте на кров.
Очевидци сведочат дека се слушнал силен удар по што дошло до превртување на возилото. На местото на настанот веднаш излезе полиција, а дојде и екипа на Итната медицинска помош.
Според очевидци немало повредени пешаци, а на возачот на автомобилот во моментов медицинската екипа му пружа прва помош.
Сообраќајката се случила во центарот на Тетово во близина на тетовскиот трговски центар.
ОБНОВЕНО: Возачот бил сам во автомобилот
Од тетовската полиција за „360 степени“ велат дека до сообраќајката дошло откако возачот изгубил контрола.
„Денеска околу 14:45 часот во СВР Тетово е пријавено дека на улицата ’Илинденска‘ во непосредна близина на тетовскиот трговски центар патничко моторно возило ’опел корса‘ со тетовски регистарски ознаки, што го управувал 22 годишниот тетовец С.Р., изгубило контрола, излетало од коловозната лента и се превртело“,
велат од СВР Тетово.
Од полицијата посочуваат дека возачот бил сам во автомобилот и се здобил со телесни повреди. Во моментов тој е во тетовската болница каде му се пружа лекарска помош, по што ќе биде позната и сериозноста на повредите. Меѓутоа, според првичните сознанија, не станува збор за тешки телесни повреди.