Русија извршила ракетен напад на регионалната полициска станица во градот Харков, јави новинската агенција УНИАН, чиј извештај го пренесуваат и западните медиуми.
Советник во украинската влада на мрежата „Телеграм“ објавил и видео кое покажува дека зградата гори, a први снимки се појавија и на Твитер.
Антон Герашченко, советник во украинското МВР, исто така тврди дека од нападот се запалила и зградата на државниот универзитет „Каразин“ што се наоѓа во непосредна близина на полициската станица.
Anton #Gerashchenko, an advisor to the head of #Ukraine‘s Ministry of Internal Affairs, published footage in which, according to his information, the building of the regional police department in #Kharkiv is being attacked. pic.twitter.com/pH10cb6rpH
— NEXTA (@nexta_tv) March 2, 2022
Претходно градоначалникот на Харков, кој е втор најнаселен град во Украина, изјави дека во руското гранатирање загинале најмалку 21 лице, а 112 се ранети, пренесе Би-би-си.