САД располагаат со разузнавачки информации кои укажуваат дека се испратени наредби до руските команданти за напад на Украина, објави Си-ен-ен, повикувајќи се на две американски официјални лица и друг извор, запознаен со американското разузнавање.
Разузнавањето во врска со наредбата до тактичките команданти и разузнавачките оперативци е еден од неколкуте показатели што САД ги набљудуваат за да проценат дали руските подготовки влегле во последната фаза за потенцијална инвазија.
Други показатели, како што се електронско заглавување и широко распространети сајбер напади, сè уште не се забележани, според некои од изворите. Изворите предупредиle дека наредбите секогаш може да се повлечат или дека тоа би можело да биде дезинформација наменета да ги збуни и заведе САД и сојузниците.
Веста за разузнавањето доаѓа откако претседателот Бајден во петокот рече дека верува оти Путин „донел одлука“ да изврши инвазија – коментар што го повторија потпретседателката Камала Харис и државниот секретар Ентони Блинкен.
Сепак, Блинкен посочи дека сè уште има шанса дипломатијата да спречи војна.