Тој самиот се фрлил во реката
Полицијата денеска спаси 64-годишен маж од водите на реката Вардар, на вливот на реката Лепенец.
Како што соопштија од Министерството за внатрешни работи денеска во 12:45 часот е пријавено во СВР Скопје дека на вливот на реката Лепенец во реката Вардар има машко лице во водата, по што лицето е спасено од водата од страна на полициски службеници од Полицисиката станица Карпош.
Подоцна било утврдено дека станува збор за 64-годишен маж од Скопје, кој претходно самиот се фрлил во реката, а инаку е пациент на болницата во Бардовци.
Од страна на Итната медицинска помош лицето е пренесено во ГОБ „8-ми Септември“.