Студијата, како што се посочува, обезбедила дополнителни претклинички докази кои покажуваат дека лекот ја запира активноста на сите досега тестирани загрижувачки варијанти
Лекот кој е комбинација на антитела против коронавирусот со продолжено дејство на компанијата „Астра Зенека“ го неутрализира сојот омикрон, соопшти фармацевтската компанија, цитирајќи податоци од нова студија.
Студијата, како што се посочува, обезбедила дополнителни претклинички докази кои покажуваат дека лекот ја запира активноста на сите досега тестирани загрижувачки варијанти.
Се работи за независна студија спроведена од истражувачи од Управата за храна и лекови на САД (FDA), Центарот за евалуација и Истражување на биолошки препарати. Работата беше поддржана и од истражувачки фондови на американската Влада.
Извршниот потпретседател на оваа компанија, Мене Пангалос, нагласи дека лекот е дизајниран да се избегне потенцијална отпорност со појавата на нови варијанти на коронавирус.
„Ова е прво антитело со долго дејство што е одобрено за итна употреба во САД за превенција пред изложување на ковид, покрај одобрението во други земји, а во тек се разговори со регулаторите ширум светот во врска со употребата на овој лек во третман на ковид“,
рече Пангалос.
ФДА го одобри лекот на „Астра Зенека“ пред десетина дена, кога од американското регулаторно тело нагласија дека иако обезбедува заштита, не е замена за вакцинирањето.
Клиничкото испитување кое беше спроведено додека компанијата го развиваше лекот, покажа дека тој може да го намали ризикот од развој на симптоми на ковид-19 за 77 проценти го намалува ризикот од развој на симптоми.