Митрески за изјавата на Николоски: Телефоните на пратениците од СДСМ се јавни и достапни

Александар Николоски од ВМРО-ДПМНЕ вечеррва изјави дека на некои пратеници од СДСМ денеска им биле одземени мобилните телефони за да не комуницираат

Телефоните на пратениците на СДСМ се јавно објавени и достапни на сите граѓани, изјави вечерва координаторот на пратеничката група на СДСМ, Јован Митрески за МИА, по изјавата на Александар Николоски од ВМРО-ДПМНЕ дека имало пратеници од СДСМ на кои денеска им биле одземени мобилните телефони.

(ВИДЕО) Пратениците на ВМРО-ДПМНЕ си заминаа од Собранието – Николоски најави дека деновиве ќе заседаваат партиските органи за идните чекори

„Во секое време може да ги побарате, може да ги побараат и од ВМРО-ДПМНЕ, и ќе им одговорат лично на сите прашања. Во целата денешна конструкција очекував да бидат покреативни. Вакви лаги не поминуваат ниту кај децата во предучилишно образование. Исто така, очекував дека денес стоечки ќе го издржат поразот“,

изјави Митрески за МИА.

Според него, реакцијата на ВМРО-ДПМНЕ за ова е „фројдовска, затоа што тоа им го прави, и им го правеле на своите пратеници со потпишување меници“.