Се работи за донор со исклучително ретка крвна група за која има мал број приматели на органи на Националната листа за трансплантација и за овие пациенти ова е единствена шанса за живот
На Клиниката за урологија утрово започна трансплантација на бубрег, откако доцна ноќеска беше направена експлатацијата од починат донор.
Тимовите на д-р Сотир Ставридис и д-р Александар Трајановски после полноќ завршија со експлантација на бубрег и коскени ткива од 28-годишнен починат донор, чие семејство несебично се согласи да ги донира органите.
„Благодарение на нивната хуманост, утрово еден бубрег се трансплантира кај 22-годишно момче. Коскените ткива ќе бидат обработени и спремни за трансплантација во наредните денови“,
информираат од Министерството за здравство.
Инаку, се работи за донор со исклучително ретка крвна група за која има мал број приматели на органи на Националната листа за трансплантација и за овие пациенти ова е единствена шанса за живот.