Во текот на вчерашниот ден прва доза на вакцина примиле 7 625 граѓани, а вкупно се аплицирани 11 883 вакцини
Министерството за здравство информира дека вакцинацијата против ковид во земјава се одвива непречено и заклучно со вчерашниот ден аплицирани се 1 220 375 дози вакцини.
Во текот на вчерашниот ден прва доза на вакцина примиле 7 625 граѓани, а вкупно се аплицирани 11 883 вакцини. Досега, според податоците на Министерството ревакцинирани се 516 797 граѓани.
„Вакцинацијата се одвива непречено на сите пунктови низ државата, а во тек е и теренска вакцинација. Со последните бројки 51% од населението над 40 години имаат примено барем една доза вакцина и 26% од населението над 18-39 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Децата од 12 до 18 годишна возраст се вакцинираат со согласност од родител“,
информираат од Министерството.
Оттаму порачуваат дека вакцините се безбедни и ефикасни и се единствениот начин да се победи пандемијата.
„Само со комплетна вакцинација се спречува тешка форма на болеста се намалува шансата од заболување како и смртен исход од истата“,
додаваат од Министерството.