Во наредните денови следи променливо и нестабилно време со локален пороен дожд и грмежи
Времето и денеска ќе биде сончево, но од УХМР најавуваат мала локална облачност, со слаб ветер по должина на Повардарието и повремено засилен ветер од северен правец. Минималните температури ќе бидат од 11 до 20, а максималните ќе се движат од 29 до 35 степени, со УВ индекс 8.
Во Скопје ќе преовладува претежно сончево со слаб до умерен ветер од северен правец. Минималната температура ќе се спушти до 17, а максималната до 32 степени.
Од УХМР информираат дека во наредните денови следи променливо и нестабилно време со локален пороен дожд и грмежи.
Во петок попладне, претежно во јужните делови. ќе има локален пороен дожд и грмежи. Променливо облачно и нестабилно ќе биде и во сабота, кога на повеќе места ќе има пороен дожд и грмежи, а локално и град. Од недела следува период на стабилно и топло време.