Во Тетово, Гостивар, Куманово има 23 отсто вакцинирани, додека во Битола, Штип, Охрид над 48 отсто
Болниците се оптоварени со ковид-пациенти само во оние градови каде има мал процент на вакцинирани граѓани како што се Тетово, Гостивар, Куманово, вели министерот за здравство Венко Филипче.
Таму, според, Министерството за здравство, процентот на вакцинирани граѓани е до 23% од вкупнот број на населението таму. За разлика од нив, сликата е понаква во Битола, Штип, Охрид…
„Во градовите каде вакцинацијата на населението достига и над 47-48% до 50% како Битола, Штип, Охрид во болниците нема таков притисок, што значи дека има и докази дека вакцините даваат резултати“,
вели Филипче за Сител.
Тој уште еднаш потенира колку е важно да се вакцинираат граѓаните, бидејќи само мал процент од вакцинираните се заразуваат, а исто е и со бројот на хоспитализирани кои се во прилично стабилна здравствена состојба.
„Најбитно од се, за 20 пати е намален ризикот од смртен исход доколку се зарази некој кој е целосно вакциниран. Тие принципи се наметнуваат во целиот свет. Сите сме свесни дека тоа е единствениот начин да излеземе од пандемијата, да го вратиме назад животот. Гледаме во некои земји каде е поголем опфатот на вакцинација има и масовни собирања, иако има зголемен број на новодијагностицирани случаи, Велика Британија на пример, нема оптоварување на болниците“,
вели Филипче.