Северна Македонија, заедно со Србија и Албанија уште од крајот на јуни се на листата на безбедни земји за ковид-19 од кои може слободно да се патува во ЕУ
Европската унија оваа недела нема да го менува списокот на земји кои се безбедни за патување врз основа на епидемиолоѓката соостојба. ЕУ ќе дозволи патувањата од Соединетите држави да продолжат засега, и покрај големиот број на нови случаи на коронавирус во оваа земја.
Листата во моментов вклучува околу 20 земји, вклучувајќи ги САД, Јапонија и Австралија, кои се сметаат за безбедни од здравствена гледна точка.
Минатата недела, претставник на ЕУ рече дека присуството на САД на листата може да се преиспита.
Списокот ќе се преиспита за две недели, а можно е и порано, во случај да се промени ситуацијата со ковид-19, велат претставници на ЕУ.
Северна Македонија, заедно со Србија и Албанија уште од крајот на јуни се на листата на безбедни земји за ковид-19 од кои може слободно да се патува во ЕУ.
ЕУ секои две недели расправа за епидемиолошката ситуација во секоја од таканаречените трети земји и листата се ажурира со оние држави за кои се смета дека се безбедни за нивните жители да патуваат во ЕУ.
За да се добие статус на безбедна држава, мора да се евидентираат максимум 75 позитивни случаи на коронавирус на 100.000 жители во последните 14 дена во земјата.