Премиерот Зоран Заев упати апел до граѓаните да ги почитуваат постоечките и новите мерки за заштита од ширење на ковид-19, а ги повика и инспекциските служби да ги интензивираат контролите.
„Апелираме до граѓаните крајно внимателно да ги почитуваат постоечките и новите мерки, а надлежните инспекциски служби да ги интензивираат контролите, со цел нивна стриктна примена и почитување“,
напиша Заев на Фејсбук.
Тој ги образложи и новите мерки што ќе стапат на сила од следниот понеделник, а што Владата ги донесе откако повторно почнаа да се зголм,уваат бројките на нови случаи на ковид-19:
- Од 16 август 2021 година се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид објект на отворено, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани) на отворено. Мерката се однесува на лица над 18 годишна возраст.
- До 15 август, сите угостителски објекти регистрирани за прослави смеат да работат на затворено, само со почитување на ковид-19 мерките, со исполнетост до 40 проценти од капацитетот и најмногу 250 гости.
- За ноќните клубови (дискотеки), кабареа, барови останува забраната за работа во затворениот дел од објектот. Дозволено е да работи отворениот дел (тераси) со 50 отстоод капацитетот на просторот и ограничен број на посетители – најмногу 1 000 посетители.
- Од 16 август, целосно се забранува работа и организација на секаков вид настани на затворено во сите угостителски објекти (и во кафетереии), вклучително и прослави во угостителски објекти регистрирани за прослави или друг тип објекти од затворен тип.