Лекарите засега не можат со сигурност да тврдат, но можно е да е само несакан ефект од другите симптоми на болеста
Како што се шири делта-сојот на коронавирусот, така се зголемуваат и прашањата дали некој проблем што го имаме може да биде нов знак на ковид. Во последно време, крвавењето од носот се почесто се споменува како симптом на болеста.
Засега нема научни докази дека крвавењето од носот е знак за ковид – 19. Меѓутоа, веќе е познато дека информациите за оваа болест пристигнуваат нонстоп, пишуваат на веб-страницата „Health“. Затоа, не треба да биде изненадување ако овој проблем наскоро се најде на листата на индикатори за болеста, како што се случи со други симптоми кои со текот на времето беа додадени на таа листа.
Што предизвикува крвавење од носот
Крвавењето од носот е губење крв од ткивата што ја обложуваат внатрешноста на носот. Има многу крвни садови во носот во близина на површината, во носната слузница, што придонесува за крвавењето. Крвавењето од носот не е ништо невообичаено бидејќи бројките покажуваат дека до 60 проценти од луѓето имаат барем едно крвавење од носот во текот на животот, покажуваат податоците од клиниката во Кливленд.
А причините за тоа се многубројни. Тие вклучуваат чепкање на носот, инфекција на горниот респираторен тракт и синуситис, силно дување на носот, ставање предмети во носот, повреда на носот или лицето, алергии, ако се земаат разредувачи на крвта, прекумерна употреба на спреј за нос или користење дрога.
Кои се симптомите на ковид
Во оваа година и половина, сите ги научивме основните симптоми на ковид, но никогаш не е доцна да се потсетиме на нив.
Според американскиот Центар за контрола и превенција на болести, ова се:
-треска или треска
-кашлање
-отежнато дишење
-замор
-болки во мускулите и телото
-главоболка
-губење вкус и (или) мирис
-воспалено грло
-затнат нос или течење на носот
-гадење или повраќање
Сепак, ЦДЦ посочува дека листата не ги вклучува сите можни симптоми.
И затоа прашањето е – дали крвавењето од носот е знак за ковид-19?
Се чини дека не е, иако во последно време многу се зборува за тоа, бидејќи повеќето лекари велат дека во пракса немало такви случаи, велат експерти за „Health“.
„Досега не сум видел дека крвавењето од носот е дел од симптомите што се јавуваат кај ковид“,
изјави за порталот експертот за заразни болести Амеш А. Адаjaа, виш научник во Центарот за здравствена безбедност Џонс Хопкинс.
Д-р Ричард Воткинс, доктор за заразни болести и професор по интерна медицина на Медицинскиот универзитет во Североисточен Охајо, се согласува. Тој за порталот вели дека никогаш не видел дека ова им се случува на пациентите со ковид.
Селон Селик, доктор по заразни болести и професор по медицина на Универзитетот во Бафало, посочува дека крвавењето од носот дефинитивно не е главниот симптом на ковид – 19. Тој, исто така, потсетува дека сме во време од годината кога носот на луѓето и онака крвави поради алергии и престој во климатизирани простории.
Може да биде несакан ефект на други симптоми на ковид
Сепак, крвавењето од носот може да биде несакан ефект на некои симптоми на ковид.
„Очигледно, ако некој има симптоми како течење на носот и силно го дува, може да дојде до крвавење“,
вели д-р Адаja.
„Гледаме луѓе со крвавење од носот со други респираторни вирусни инфекции, така што тоа не би ме изненадило“,
вели д-р Селик, кој додава дека дека сепак не може да каже дека повеќето пациенти со ковид, што ги виделе во болницата имале крвавења од носот.
На крајот, може да се заклучи дека ако се појави крвавење од носот, но нема други симптоми, најверојатно не се работи за ковид-19. Но, ако крвавењето од носот доаѓа заедно со други знаци на вирусот, како што се треска и кашлица, тогаш мора да се консултира лекар.