Од денеска од 12 часот се укинати вонредните мерки меѓу кои и за бесплатниот јавен превоз и поскапиот паркинг, соопшти Град Скопје.
Покрај ова, се укинуваат и интервентните препораки за намалување на загадувањето на воздухот што беа воведени во понеделникот.
„На мерните станици во главниот град среднодневните концентрации на ПМ 10 честички во воздухот се под дефинираниот праг на алармирање од 175 µг/м3 и соодветно на тоа епизодата со зголемено загадување во текот на два последователни дена е прекината“, соопштија од Град Скопје.
Мерките и препораките за намалување на загадувањето на воздухот беа воведени пред два дена, а беа поттикнати од високото загадување на воздухот во Карпош, Лисиче и Тетово.