Испораките ќе бидат извршени под услов руската вакцина да добие одобрение за итна употреба од Светската здравствена организација, што се очекува од октомври минатата година
Фондот за деца на ОН – УНИЦЕФ ќе купи 220 милиони дози од руската вакцина „спутник В“, соопшти рускиот Фонд за директни инвестиции, кој се занимава со пласман на вакцината на пазарот.
Потпишан е договор што ќе овозможи да се вакцинираат 110 милиони луѓе против ковид-19, соопшти Фондот.
Испораките ќе бидат извршени под услов руската вакцина да добие одобрение за итна употреба од Светската здравствена организација, што се очекува од октомври минатата година.
Вакцината „спутник В“ во моментов е одобрена за употреба во повеќе од 65 земји во светот, покажуваат податоците на рускиот Фонд за директни инвестиции.
Од земјите членки на Европската Унија, руската вакцина се користи во Унгарија и Словачка, и покрај фактот што Европската агенција за лекови сѐ уште не ја одобрила употребата на „спутник“.