Илјадници луѓе излегоа на улиците на Берлин, Истанбул, Мадрид, Париз, Торино…, каде што имаше и судири со полицијата, како и кршење на антиковид правилата
Демонстранти ширум светот излегоа на улица, а во некои метрополи имаше и судири со полицијата, по повид 1 Мај – Меѓународниот денна трудот, што и годинава минува во сенка на пандемијата на ковид-19.
Илјадници луѓе излегоа на улиците на Берлин, Истанбул, Мадрид, Париз, Торино…, каде што имаше и судири со полицијата, како и кршење на антиковид правилата.
Во Турција демонстрантите се судрија со полицијата, при што се уапсени стотици лица.
Атмосферата беше напната и во Париз, каде што припадниците на „Жолтите елеци“ се соочија со полицијата.
Во Торино стотици демонстранти се судрија со полицијата, додека се вееја црвени знамиња со срп и чекан.
Шпанскиот вицепремиер Кармен Калво маршираше во Мадрид со членови на Шпанската социјалистичка работничка партија.
Во Москва, Руската комунистичка партија одржа комеморација за Карл Маркс.