Во однос на работата на угостителските објекти на затворен простор услов ќе биде вакцинацијата на работниците и музичарите
Србија очекува намалување на бројот на новозаразени со ковид на дневно ниво и по 8 мај се планира олабавување на мерките.
Епидемиологот Бранислав Тиодоровиќ рече дека по 8 мај мерките етапно ќе се олабавуваат, а за работа на угостителските објекти на затворен простор услов ќе биде вакцинацијата на работниците и музичарите.
„Сите сакаме заедно, и луѓето и раководството и сите кои работиме во медицина и надвор од медицината, да го избегнеме сценариото што се случи за празникот Сретење, кога имавме убаво време и непочитување на мерките, што не доведе до влошување на ситуација. Сега можеме да го избегнеме ова ако сме дисциплинирани, ако постапуваме одговорно, го користиме убавото време да дишеме чист и здрав воздух, да прошетаме со семејствата, да славиме големи празници, но и да ги почитуваме мерките“,
кажа Тиодоровиќ.
Тој посочи дека повеќе од 90 отсто од пациентите кои денес се во ковид болниците се невакцинирани. Од 15 мај во Србија ќе зпаочне и кампања за вакцинација на помладите граѓани.