Како причини се наведуваат големиот број заразени и починати од ковид и претстојните велигденски празници
Албанија од утре воведува двонеделен карантин за сите што влегуваат на нејзина територија од Северна Македонија и од Грција.
Одлука за ова денеска донесе Комитетот на експерти за справување со пандемијата и таа ќе биде во сила до трети мај.
„Ефектот од масовната вакцинација во нашата земја почна да се чувствува. Но она што се забележува во регионот е различната ситуацијата од нашата земја кај нашите соседи. Во Северна Македонија и Грција е зголемен бројот на случаи, но и бројот на починати, а тоа може да се види на презентираните графикони. Предизвик на нашиот комитет е да ги подобри индикаторите“,
изјави Мира Ракацоли, претседателка на Комитетот и заменик-министерка за здравство.
Исто така, како причина за ваквата мерка се и претстојните велигденски празници кои во Албанија ќе донесат многу лица и емигранти од други земји, а имајќи предвид дека минатата година по овој празник бројот на новозаразени забележал голем раст, како и зголемен број смртни случаи.