Министерот за здравство Венко Филипче претходно објави дека таму ќе има 48 позиции за истовремено вакцинирање со капацитет за вакцинирање на 5 000 лица дневно
Владата го задолжи Министерството за здравство, врз основа на одлуката за кризна состојба на дел од територијата на државата, да ги ангажира сите свои стручни и други неопходни капацитети за спроведување на масовна вакцинација во Спортскиот центар „Борис Трајковски“.
Од управата на салата, пак, се бара да ги отстапи своите простории на Министерството за здравство за спроведување на масовната вакцинација согласно Национален план за вакцинација против ковид-19.
Министерот за здравство Венко Филипче претходно објави дека таму ќе има 48 позиции за истовремено вакцинирање.
„Капацитетот е да се вакцинираат околу 5 000 граѓани дневно. Согласно планот, ќе се работи во две смени од 8 до 20 часот. Вакцинацијата која вчера започна на вакциналните пунктови ширум државата се одвива одлично“,
вели Филипче.