Од утре ќе стартува вакцинацијата во Скопје, односно во поликлиниките Јане Сандански, Чаир и Букурешт и во здравствените домови во Прилеп, Охрид, Гостивар, Штип, Куманово, Велес, Битола, Струмица и во болницата во Кавадарци
Матичните лекари од синоќа закажуваат термини за вакцинација на граѓани над 77 години, а досега се пријавени 5 976 лица, информира Министерството за здравство.
Оттаму велат дека од утрово Институтот за трансфузиона медицина во Скопје започна со дистрибуција на вакцината „Астра Зенека“ до здравствените установи низ државата, каде што од утре почнува вакцинацијата против ковид-19.
„Националниот систем ‘Мој термин’ од синоќа од 19 часот ги отвори термините преку кои матичните лекари закажуваат вакцинација на граѓани кои се опфатени во првата фаза и спаѓаат во групата 1Б, од Националната стратегија за ковид-имунизација. Вакцинацијата ќе се одвива на постоечките вакцинални пунктови во здравствените установи во градовите низ државата. Вакцинацијата е прецизно организиран процес, испораката на вакцини ќе оди сукцесивно. До крајот на оваа и за следната недела, на територија на цела држава пуштени се 9 577 термини, а досега закажани се 5 976 термини за вакцинација на граѓани над 77 годишна возраст“,
се вели во соопштението од Министерството за здравство.
Од министерството информираат дека од утре ќе стартува вакцинацијата во Скопје, односно во поликлиниките Јане Сандански, Чаир и Букурешт, во здравствените домови во Прилеп, Охрид, Гостивар, Штип, Куманово, Велес,Битола, Струмица и во болницата во Кавадарци.
Од петок ќе започне вакцинацијата во Тетово, Струга,Неготино, Крива Паланка, Вевчани, Валандово, Ростуше, Гостивар, Гевгелија, Делчево, Свети Николе, Ресен, Демир Хисар, Крушево, Македонска Каменица, Кратово, Кичево, Кочани, Радовиш, Виница, Пробиштип, Дебар, Пехчево и Македонски Брод.
Вакциналните пунктови низ државата ќе работат во две смени, ќе бидат отворени од 8 до 20 часот, од понеделник до петок.
Матичниот лекар не секој граѓанин кога му закажува термин за вакцинација должен е да му каже во колку часот треба да се вакцинира и на кој пункт во здравствената установа каде се спроведува вакцинација против ковид-19.