Во емисијата „360 степени“ на ТВ Алсат вечерва (8 мај 2020 г.) од 22 часот ќе видите две интервјуа – со потпретседателката на владејачката ДУИ и градоначалничка на Тетово, Теута Арифи, и со претседателот на опозициската Алијанса за Албанците, Зијадин Села.
Арифи вели дека ставот на ДУИ е дека изборите треба да се одржат „што поскоро“, но и дека оваа позиција не зависи само од волјата на партијата, туку и од тоа „како ќе се изјаснат надлежните органи и институции кои ја следат здравствената ситуација“.
Села, пак, вели дека со оглед на проценките на експертите дека вирулентноста на вирусот ќе биде најмала кога ќе биде најтопло, Алијанса за Албанците е за избори „кон крајот на јули или почетокот на август“. Притоа, Села вели дека го има предвид фактот оти избори не треба да има во услови на затворени граници за да и се дозволи и на дијаспората да дојде и да гласа.
„360 степени“ е вечерва во стандардниот термин од 22 часот на ТВ Алсат.