fbpx
Свет

Железничка несреќа во Чешка: Две лица загинаа и над 50 се повредени во судир на два воза

360степени | 4 август, 2021 11:52

Министерот за индустрија, трговија и транспорт Карел Хавличек изјави дека возачот на брзиот воз од Минхен-Прага поминал на црвено и на тој начин предизвикал судир со патнички воз

Две лица загинаа во судир на два воза во близина на селото Милавче меѓу станиците Домажлице и Ближејов денеска нешто по осум часот. Според првите информации од местото на настанот, две лица загинаа, а околу 50 се повредени. Седум лица се во критична состојба, додека 31 лице се надвор од животна опасност.

Се работи за брзиот воз од Минхен до Прага кој се судрил со локален патнички воз.

„Во моментов, 31 лице од повредените надвор од животна опасност, седум лица се во критична состојба, две лица загинаа“,

изјави за чешкиот јавен рдиосервис Марија Свободова, портпарол на локалната служба за брза помош.

На местото на несреќата има 12 спасувачки екипи со три хеликоптери за да ги пренесат повредените во болниците, како и полицијата со хеликоптер.

Министерот за индустрија, трговија и транспорт Карел Хавличек изјави дека возачот на брзиот воз од Минхен поминал на црвено и на тој начин предизвикал судир со патнички воз.

Полицијата спроведе истрага, а на местото на несреќата излезе и министерот Хавличек.

©2025 360 степени, Сите права се задржани