Се затресе многу, прозорците се тресеа секунда-две, сведочи граѓанин на Хрватска
Земјотрес со магнитуда од 4 степени според Рихтеровата скала се случи вечерва во Словенија, објави Европско-медитеранскиот сеизмички центар.
Епицентарот бил на 15 километри од Илирска Бистрица (Словенија) и 23 километри од Риека (Хрватска). Длабочината на земјотресот била осум километри поради што бил почувствувал посилно.
Сеизмолошката служба во Хрватска објави дека тој се почувствувал на поширокото подрачје околу Риека во 19:34 часот.
„Бучава и вибрации околу 2-3 секунди“;
„Се затресе многу, прозорците се тресеа секунда-две“;
„Се почувствува прилично силно и доста долго траеше“,
гласат дел од коментарите на Хрватите, кои ги пренесува порталот „Индекс.хр“.
Според изјавата на сеизмологот Крешимир Кук за истиот портал, ова не е прв земјотрес последните 24 часа. Минатата ноќ околу 2 часот на неколку километри од вечерашниот бил регистриран уште еден.