fbpx
Македонија

Земјотрес со јачина од 3,1 степени почувствуван во Скопје – епицентарот е во Косово

360степени | 15 декември, 2025 09:05

На социјалните мрежи жители на Скопје и околината објавија дека земјотресот ги разбудил откако почувствувале кратко, но силно тресење

Земјотрес со јачина од 3,1 степен според Рихтеровата скала утрово во 7:20 часот е почувствуван во Скопје, информира Европскиот медитерански сеизмолошки центар (ЕМСЦ).

Епицентарот на земјотресот е на 42 километри северно од Скопје / Фото: ЕМСЦ

Според ЕМСЦ, земјотресот е на длабочина од 5 километри, а епицентарот е на 12 километри од градот Гнилане во Косово, во близина на границата меѓу Косово, Србија и С Македонија.

Извор: ЕМСЦ

Сеизмолошката опсерваторија при Природно-математичкиот факултет во Скопје соопшти дека утрово во Скопје е почувствуван земјотрес со интензитет од три степени според Европската макросеизмичка скала.

„Епицентарот на земјотресот потекнува од пограничното епицентрално подрачје Урошевац, на 42 километри северно од Скопје, со Рихтерова локална магнитуда од 3,3 степени“,

велат од Опсерваторијата.

На социјалните мрежи жители на Скопје и околината објавија дека земјотресот ги разбудил откако почувствувале кратко, но силно тресење.

©2025 360 степени, Сите права се задржани