fbpx
Македонија

Земјотрес со јачина од 2,5 степени регистриран вечерва во Скопје, втор во последните 24 часа

360степени | 6 јануари, 2025 19:50

Земјотресот се случил во 18:45 часот, а епицентарот бил на 25 километри северозападно од Скопје

Земјотрес со јачина од 2,5 степени според Рихтеровата скала е регистриран вечерва во близина на Скопје, соопштија од Сеизмолошката опсерваторија при Природно-математичкиот факултет во Скопје.

Земјотресот се случил во 18:45 часот, а епицентарот бил на 25 километри северозападно од Скопје.

Оттаму велат дека земјотресот бил почувствуван во градот Скопје и северозападните делови на земјата со интензитет од III степен според Европската макросеизмичка скала.

Земјотресот е регистриран и од Европскиот медитерански сеизмолошки центар (ЕМСЦ). Според нивните податоци, епицентарот бил на 21 километар северозападно од Скопје и на 9 километри југоисточно од Качаник во Косово.

Според ЕМСЦ, земјотресот бил со јачина од 2,6 степени според Рихтеровата скала и бил на длабочина од осум километри.

Ова е втор земјотрес што е регистриран во околината на Скопје во последните 24 часа. Од Сеизмолошката опсерваторија при Природно-математичкиот факултет во Скопје вчера информираа дека земјотрес со јачина од 2,8 степени според Рихтеровата скала бил регистриран ноќеска во 23:12 часот во близина на Скопје.

Земјотрес со јачина од 2,8 степени регистриран ноќеска во Скопје

©2025 360 степени, Сите права се задржани