Овој потег доаѓа откако цените на нафтата нагло пораснаа и се појавија стравувања од проблеми со снабдувањето со енергија
Земјите-членки на Меѓународната агенција за енергија (ИЕА), меѓувладина агенција со седиште во Париз, која советува за нафтената политика, се согласија да ослободат 60 милиони барели нафта од нивните резерви за вонредни состојби поради руската инвазија на Украина.
Овој потег доаѓа откако цените на нафтата нагло пораснаа и се појавија стравувања од проблеми со снабдувањето со енергија.
„Сите 31-членки на ИЕА се согласија да ги ослободат резервите со цел да испратат обединета и силна порака до глобалните нафтени пазари дека нема да има недостаток во залихите како резултат на конфликтот во Украина“,
соопшти групата.
Членки, меѓудругите, се САД, Обединетото Кралство, земјите на ЕУ, Мексико, Канада, Јапонија и други.
„Денешното соопштение е уште еден пример за партнерите ширум светот кои ја осудуваат руската неиспровоцирана и неоправдана инвазија на Украина“,
соопшти Белата куќа, додавајќи дека продолжуваат напорите да се оттргне од руските енергетски резерви.
Претходно оваа недела, нафтените гиганти „Шел“ и „БП“ соопштија дека ќе ги повлечат акциите во руските енергетски компании и ќе ги стопираат проектите.