Поранешниот претседател на украинскиот парламент беше убиен денеска на западот од земјата. Парубиј беше еден од највпечатливите за време на протестите во 2014 година
Убиството на поранешниот претседател на украинскиот парламент Андриј Парубиј е „внимателно испланирано“, вели украинскиот претседател Володимир Зеленски.
„За жал, злосторството беше внимателно испланирано“,
рече Зеленски, додавајќи дека се работи на решавање на убиството.
Парубиј е еден од водечките личности на проевропската револуција Мајдан во 2014 година.
Тој беше убиен денеска на западот од земјата, објавија украинските власти, додавајќи дека се уште се трага по неговиот убиец.
Околностите на атентатот и причините зошто Парубиј бил цел не се познати.
„Неидентификуван маж испукал неколку куршуми кон Андриј Парубиј, убивајќи го на лице место во Лвов, град во западна Украина“,
соопшти канцеларијата на државниот обвинител претходно денеска.