Како што напиша во објава на својот профил на Икс, на трилатералната средба се разговарало за ситуацијата во Украина и можноста за праведен мир
Добра и продуктивна – вака украинскиот претседател Володимир Зеленски ја оцени средбата што денеска во Париз ја одржа со претседателот на Франција, Емануел Макрон, и со новоизбраниот американски претседател Доналд Трамп. Како што напиша во објава на својот профил на Икс, на трилатералната средба се разговарало за ситуацијата во Украина и можноста за праведен мир.
„Претседателот Трамп е, како и секогаш, одлучен. Му благодарам за тоа. Му благодарам и на Емануел за организирањето на оваа важна средба. Сите сакаме оваа војна да заврши што е можно поскоро и на праведен начин. Зборувавме за нашиот народ, за ситуацијата на теренот и за праведен мир“,
напиша Зеленски во објава на Икс по средбата во Елисејската палата.
Украинскиот претседател додаде дека договориле натамошна соработка и одржување на контактот.
I had a good and productive trilateral meeting with President @realDonaldTrump and President @EmmanuelMacron at the Élysée Palace.
— Volodymyr Zelenskyy / Володимир Зеленський (@ZelenskyyUa) December 7, 2024
President Trump is, as always, resolute. I thank him. I also extend my gratitude to Emmanuel for organizing this important meeting.
We all want… pic.twitter.com/eKMtuhp2ZI
По трилатералната средба, Макрон кусо порача дека продолжуваат заедничките напори за мир и безбедност.
Трамп засега нема изјави по средбата со Зеленски и Макрон.
Тројцата лидери вечерва се состанаа во Елисејската палата пред церемонијата на отворање на реновираната катедрала Нотр Дам во Париз. Ова е прва средба на Зеленски со новоизбраниот претседател на САД.