Украинскиот претседател вели оти доказ дека рускиот претседател се плаши од Вашингтон е и фактот што руските напади престанале во моментот кога специјалниот претставник Кит Келог пристигнал во Киев
Рускиот претседател се плаши од Соединетите Американски Држави, вели украинскиот претседател Володимир Зеленски. Во изјава за американскиот „Њузмакс“, тој вели дека еден од клучните докази за тоа што го говори, е тоа што во моментот кога специјалниот претставник на САД за Украина, Кит Келог, пристигнал во Киев, масовните руски воздушни напади престанале.
„Генералот Келог пристигна и две ноќи по ред немаше масовни бомбардирања. Ова е многу интересен пример: немаше тешко гранатирање ниту синоќа ниту претходната ноќ“,
кажа Зеленски.
"People are joking that Kellogg should be given a Ukrainian passport." 🇺🇸🇺🇦
— NEXTA (@nexta_tv) July 16, 2025
Zelensky said that Putin is so afraid of the U.S. that he stops shelling Kyiv whenever Americans come to visit.
“Even people are already joking about it — saying we should give General Kellogg a… pic.twitter.com/yd5rw7TBat
Украинскиот претседател вели дека овие наоди му ги соопштил и на американскиот претседател и вели дека токму Доналд Трамп му дава шанса на Путин да ја заврши војната и оти се надева дека доколку не се постигне договор, американската администрација ќе воведе моќни санкции за Русија.
„Навистина сакам да верувам дека Трамп му ја даде оваа можност на Путин. И навистина сакам да верувам дека ако Путин не извлече свои заклучоци, претседателот Трамп навистина ќе воведе моќни санкции што не можат да се заобиколат – особено во енергетскиот и во банкарскиот сектор. Трамп исто така ќе ни обезбеди силен пакет мерки за одвраќање и моќни системи за воздушна одбрана што ќе можат да ја заштитат Украина и, на крајот, европските земји“,
вели Зеленски.
Американскиот претседател Доналд Трамп денеска изјави дека дел од ракетните системи за воздушна одбрана „Патриот“ се веќе на пат кон Украина. Неговата изјава следува еден ден откако објави дека членките на НАТО ќе испратат оружје во Киев, менувајќи го своето претходно противење на испраќањето американско оружје во Украина.