Ова ќе биде сигнал дека рускиот тероризам изгубил, а нашиот свет, кој се заснова на почитување на независните нации и правото на народите сами да го изберат својот пат, преживеал, рече Зеленски
Украинскиот претседател Володимир Зеленски изјави дека неговата земја прави сè што може за да го скрати времето на испорака на новите западни авиони. Во своето ноќно обраќање Зеленски рече дека првиот украински борбен авион Ф-16 ќе биде „еден од најсилните сигнали дека рускиот терор изгубил“.
„Правиме сè што можеме за да го скратиме времето за постигнување резултати, до појава на нови и моќни авиони со украински пилоти на небото на Украина. Првиот украински Ф-16 ќе биде еден од најсилните сигнали од светот дека Русија ќе загуби поради сопствената агресија, станувајќи сè послаба и поизолирана. Ова ќе биде сигнал дека рускиот тероризам изгубил, а нашиот свет, кој се заснова на почитување на независните нации и правото на народите сами да го изберат својот пат, преживеал“,
рече Зеленски.
Русија вчера предупреди дека сите американски борбени авиони Ф-16 испорачани на Украина ќе бидат „легитимна цел“ за Москва.