Ја поддржува идејата на американскиот претседател за целосен и безусловен прекин на огнот за да се обезбедат услови за дипломатија
Украинскиот претседатеел Володимир Зеленски за важна ја оцени изјавата на американскиот претседател Доналд Трамп, кој најави дека можеби ќе присуствува на разговорите меѓу Украина и Русија во Истанбул, кои треба да се случат на 15 мај, в четврток.
Историската средба треба да се одржи овој четврток, на 15 мај, во еден град во Турција, но се уште не е се официјално потврдено од сите страни.
Зеленски рече дека го поддржува предлогот на претседателот Трамп за директни преговори со Владимир Путин.
Посочи дека веќе изразил целосна подготвеност за средбата.
„Ќе бидам во Турција. Се надевам дека Русите нема да ја избегнат оваа средба“,
напиша Зеленски на Икс.
I have just heard President Trump's statement. Very important words.
— Volodymyr Zelenskyy / Володимир Зеленський (@ZelenskyyUa) May 12, 2025
I supported @POTUS idea of a full and unconditional ceasefire — long enough to provide the foundation for diplomacy. And we want it, we are ready to uphold silence on our end.
I supported President Trump…
Ја поддржува идејата на американскиот претседател за целосен и безусловен прекин на огнот за да се обезбедат услови за дипломатија.
„И, се разбира, сите ние во Украина длабоко би ценеле доколку претседателот Трамп биде со нас на состанокот во Турција. Тоа е одлична идеја. Многу може да се смени. Претседателот Ердоган може да обезбеди средба на највисоко ниво, благодарение на сите што учествуваат“,
вели тој.
Американскиот претседател Доналд Трамп денеска од Белата куќа навести дека би можел да се приклучи на евентуална средба меѓу рускиот претседател Владимир Путин и украинскиот Володимир Зеленски, која е закажана за четврток во Турција, со посредство на турскиот претседател Реџеп Таип Ердоган.
Рускиот претседател Владимир Путин предложи Русија и Украина да одржат директни преговори, без предуслови, на 15 мај во Истанбул.
Трамп и порача на Украина веднаш да ја прифати понудата на рускиот претседател.