Зеленски минатиот месец вети дека ќе му го претстави својот план на американскиот претседател Џо Бајден, веројатно следната недела кога ќе присуствува на седниците на Советот за безбедност и на Генералното собрание на ОН
Украинскиот претседател Володимир Зеленски денеска изјави дека неговиот „план за победа“, кој има за цел да донесе мир во Украина, да ја одржи земјата силна и да избегне „замрзнување на конфликтот“, сега е завршен по долги консултации.
Зеленски минатиот месец вети дека ќе му го претстави својот план на американскиот претседател Џо Бајден, веројатно следната недела кога ќе присуствува на седниците на Советот за безбедност и на Генералното собрание на ОН.
Зеленски не откри детали, туку само посочи дека целта е да се создадат услови прифатливи за Украина, која е во конфликт со Русија повеќе од две и пол години.
„Денес може да се каже дека нашиот победнички план е целосно подготвен. Дефинирани се сите точки, сите клучни области и сите потребни детални дополнувања на планот. Најважна работа е решеноста да се спроведе“,
рече тој во видеообраќањето во текот на ноќта.
Зеленски рече дека нема алтернатива за мирот, „нема замрзнување на војната или какви било манипулации што ќе ја воведат руската агресија во втората фаза“.
Тој вчера посочи дека средбата со највисоките команданти произвела „добра и силна содржина“ во воена смисла, „токму онаква каква што може значително да ја зајакне Украина“.
Зеленски како основа за преговорите го искористи мировниот план што го претстави на крајот на 2022 година, повикувајќи на повлекување на сите руски сили, обновување на украинските граници од ерата по распадот на Советскиот Сојуз, како и на тоа дека Русија мора да одговара за инвазијата.