Зеленски е борбен и храбар водач на нацијата во војна, рече Келог по средбата со украинскиот претседател

Претходно денеска, украинскиот претседател Володимир Зеленски, оцени дека средбата со специјалниот претставник на САД, Кит Келог, ја враќа надежта за успех

Специјалниот американски претставник за Украина, Кит Келог, објави дека имал обемен и позитивен разговор со украинскиот претседател Володимир Зеленски за време на посетата на Киев.

Еден ден по средбата, Келог на својот профил на Икс денеска ја сподели објавата на Зеленски во која тој изрази задоволство од средбата со американскиот претставник. Во продолжение напиша:

„Долг и интензивен ден со високото раководство на Украина“.

Нарекувајќи го борбен и храбар водач на нацијата во војна, Келог оцени дека имал опсежни и позитивни разговори со украинскиот претседател, но и со неговиот, како што вели, талентиран тим за национална безбедност.

A long and intense day with the senior leadership of Ukraine. Extensive and positive discussions with @ZelenskyyUa, the embattled and courageous leader of a nation at war and his talented national security team. https://t.co/kLu9roZ5z1

— Keith Kellogg (@generalkellogg) February 21, 2025

Претходно денеска, украинскиот претседател Володимир Зеленски оцени дека средбата со специјалниот претставник на САД, Кит Келог, ја враќа надежта за успех.

• Зеленски: Разговорите со Келог ја вратија надежта за договор со САД

Неколкудневната посета на Келог на Киев доаѓа во дипломатски тежок момент за Украина, откако американскиот претседател Доналд Трамп стави крај на политичката изолација на рускиот лидер Владимир Путин со вклучување на Москва во билатерални разговори за постигнување мир во Украина.