Трилатералните разговори во Обединетите Арапски Емирати се одржуваат по големата руска офанзива во Украина
Украинскиот преговарачки тим го заврши првиот ден од трилатералните разговори со Русија и САД во Абу Даби, насочени кон решавање на руско-украинската војна. Ова го соопшти Дијана Давитјан, портпаролка на секретарот на Советот за национална безбедност и одбрана Рустем Умјеров, пренесува „Украинска правда“.
„Преговорите се завршени за денес“,
рече Давитјан додавајќи дека е закажано да продолжат в четврток, на 5 февруари.
Во украинската делегација во Абу Даби се Рустем Умеров, Кирил Буданов, шеф на претседателската администрација и неговиот прв заменик Серхиј Кислица, Давид Арахамија, претседател на пратеничката група на партијата Слуга на народот, Андриј Хнатов, началник на Генералштабот на вооружените сили на Украина и Олександр Бевз, советник на претседателската администрација.
Умеров објави дека украинскиот тим планира и билатерален состанок со американската делегација, претставена од зетот на американскиот претседател Доналд Трамп Џаред Кушнер, како и специјалниот пратеник Стив Виткоф. На состанокот ќе се разговара за документот за безбедносните гаранции и Планот за просперитет.
Трилатералните разговори во Обединетите Арапски Емирати се одржуваат по големата руска офанзива во Украина. По последните напади, претседателот Володимир Зеленски објави дека работата на украинската делегација во мировните преговори ќе биде приспособена.