Засега не се планира промена на времетраењето на полицискиот час, а евентуални одлуки би се носеле во текот на следната недела, изјави министерот за здравство Венко Филипче во интервју за Сител.
Тој рече дека мерките и натаму ќе се олабавуваат но се ќе оди постепено.
„Трендот на олабавување на мерките согласно досегашните критериуми е започнат и ќе оди натаму, но постепено. Мора постепено да има враќање во функција, бидејќи наглото олабавување може да содзаде големи гужви, нешто што сакаме сакаме да избегнеме. Засега нема да се менува полицискиот час и продолжуваме со анализа на податоците што ќе ги добиеме врз основа на истите критериуми, па од следната недела ќе носиме одлуки“,
рече Филипче.