Медиумите кои се на местото на настанот известуваат дека од челичарницата излегле вкупно 25 лица, меѓу кои шест деца на возраст до 14 години. Се верува дека стотици луѓе се во фабриката за челик, вклучително и десетици повредени за време на интензивните руски бомбардирања во последните недели
Првата група цивили е веќе евакуирана од фабриката за челик „Азовстал“ во Мариупол, откако беше прогласен прекин на огнот, изјави командантот на Азовскиот полк, еден од украинските војници кој беше заробен во „Азовстал“.
Капетанот Свјатослав Паламар, заменик командант на Азовскиот полк, изјави дека прекинот на огнот, кој требаше да започне во 6 часот по локално време, конечно започна во 11 часот по локално време.
„Засега двете страни го почитуваат режимот за прекин на огнот“,
рече тој, истакнувајќи дека конвојот за евакуација доцнел.
„Доведовме 20 цивили на договореното место за состаноци, кои успеавме да ги спасиме под урнатините. Тоа се жени и деца. Се надеваме дека овие луѓе ќе одат до договорената дестинаца, а тоа е Запорожје, територија контролирана од Украина”,
кажа Паламар.
Тој посочи дека во тек е спасувачка акција од припадниците на Азов, кои ваделе луѓе од под урнатините.
„Тоа се жени, деца и стари лица. Се надеваме дека овој процес ќе продолжи и дека успешно ќе ги евакуираме сите цивили“,
рече тој, посочувајќи дека не му е јасно зошто не се евакуираат ранетите и оние на кои им е потребна лекарска помош.
„Нагласувам дека бараме да се гарантира евакуација не само за цивилите, туку и за нашите ранети војници на кои им е потребна медицинска помош“,
додааде тој.
Руската новинска агенција ТАСС вчера објави дека група цивили го напуштиле „Азовстал“. Медиумите кои се на местото на настанот известуваат дека од челичарницата излегле вкупно 25 лица, меѓу кои шест деца на возраст до 14 години.
Се верува дека стотици луѓе се во фабриката за челик, вклучително и десетици повредени за време на интензивните руски бомбардирања во последните недели. Сателитските снимки на „Азовстал“ покажуваат дека комплексот на фабриката за челик претрпе големо уништување и дека речиси секоја зграда е уништена.