„Прибрани се траги од лице место кои ќе бидат предмет на вештачење, а се врши увид и во снимки од камери за видео-надзор“, се наведува во соопштението на СВР Куманово.
Три возила, фотокопирница и фасада од куќа ноќеска биле опожарени во Куманово. За случаите утрово првично информираа од Регионалниот центар за управување со кризи и Територијалната противпожарна единица во градот.
Две од возилата кои гореле и во чие гаснење интервенирале пожарникарите, биле на улицата „Трст“, а третото на улицата „Никола Вапцаров“. На истата улица била и опожарена фасада од куќа.
Фотокопирницата, која горела, пак, е лоцирана на улицата „11 Октомври“.
Според информациите за интервенциите на пожарникарите, речиси сите биле во исто време.
На пожарот на фотокопирницата, пожарникарите интервенрирале од 03:15 до 4 часот, на двата автомобили на улицата „Трст“ од 03:25 до 04:20 часот, последната интервенција е од 05:40 до 6:15 часот.
Од републичкото Јавно обвинителство утрово соопштија дека дежурен јавен обвинител од Основното јавно обвинителство во Куманово извршил увид на локациите, каде се опожарени два автомобили и една деловна просторија.
Оттаму велат дека се преземени сите дејствија и оти се испитуваат причините и евентуалните мотиви за опожарувањето на автомобилите и дуќанот.
„Прибрани се траги од лице место кои ќе бидат предмет на вештачење, а се врши увид и во снимки од камери за видео-надзор“,
информираат од Јавното обвинителство на Република Северна Македонија.
За синоќешните настани во Куманово со детали излегоа и Секторот за внатрешни работи Куманово од каде велат дека нема повредени лица и дека се преземаат марки за расчистување на случаите.
„На 02.12.2024 во 03.20 часот во СВР Куманово било пријавено дека бил опожарен деловен објект на улица „11 Октомври“, сопственост на М.Ј. од Куманово. Исто така, било пријавено дека биле опожарени три патнички возила на улиците ‘Трст’, ‘Вардарска’ и ‘Никола Вапцаров’ во Куманово, и тоа патничко моторно возило „фолксваген пасат“ со кумановски регистарски ознаки, сопственост на Џ.Б., патничко моторно возило ‘ауди’ со кумановски регистарски ознаки, сопственост на А.Е. и патничко моторно возило ‘ауди’ со кумановски регистарски ознаки, сопственост на М.Ш.. Пожарите биле изгаснати од екипа на Територијалната противпожарна единица Куманово, а повредени лица нема. Увид извршила екипа од СВР Куманово, во присуство на јавен обвинител. Се преземаат мерки за расчистување на случаите“,
се наведува во соопштението на СВР Куманово.
Инаку, за пожарот во фотокопирницата утрово преку објава на својот фејсбук-профил информираше советникот во Советот на Општина Куманово од редовите на ДУИ, Фитор Јакупи, кој вели дека во раните утрински часови била опожарена неговата приватна канцеларија.
„Ве известувам дека денеска во раните утрински часови околу 03:05 часот беше опожарена мојата приватна канцеларија во Куманово од црна рака (на непознати лица)“,
напиша Јакупи.
Во прилог на објавата, тој сподели и фотографии од опожарената внатрешност на објектот, по интервенцијата на противпожарните екипи.
Инаку, за пожарот во фотокопирницата утрово преку објава на својот фејсбук-профил информираше советникот во Советот на Општина Куманово од редовите на ДУИ, Фитор Јакупи, кој вели дека во раните утрински часови била опожарена неговата приватна канцеларија.
„Ве известувам дека денеска во раните утрински часови околу 03:05 часот беше опожарена мојата приватна канцеларија во Куманово од црна рака (на непознати лица)“,
напиша Јакупи.
Во прилог на објавата, тој сподели и фотографии од опожарената внатрешност на објектот, по интервенцијата на противпожарните екипи.
Утрово преку вонредно соопштение реагираа од Демократската унија за интеграција, од каде велат дека запалените автомобили и една продавница, сопственост на Албанци се „горлив доказ за духот на омраза и меѓуетнички поделби“.
„Кога институциите не можат да ја гарантираат безбедноста на своите граѓани и кога молчат пред ваквите дела на омраза, пораката што се испраќа е јасна: Албанците во оваа земја се оставени на милост и немилост на судбината. Овој пристап не е само дискриминаторски, туку и длабоко дестабилизирачки за целото општество“,
се вели во соопштението од ДУИ.
Од опозициската партија повикуваат на итна интервенција од меѓународната заедница, бидејќи како што велат, само меѓународен притисок може да ја запре оваа, според нив, опасна спирала на насилство и омраза, која ги загрозува мирот и стабилноста во земјата.
„Бараме овие напади веднаш да се истражат и сторителите да бидат изведени пред лицето на правдата. Секој ден одложување е покана за оние што шират омраза да продолжат со своите срамни дела. Албанците нема повеќе да молчат пред оваа неправда, и ќе ги искористат сите демократски средства за да ги заштитат правата и достоинството на своите граѓани. Демократската унија за интеграција ќе продолжи да биде гласот на Албанците и заштитник на мирот и стабилноста во оваа земја. Но, очигледно, оваа борба за правда и еднаквост не може да продолжи сама. Меѓународната заедница мора да реагира сега, пред оваа омраза да добие уште поопасни димензии“,
велат од ДУИ.