Претседателот на СДСМ и лидер на коалицијата „Можеме“ која освои најмногу мандати на предвремените парламентарни избори „се јави“ на Фејсбук од преспанското село Љубојно.
Покрај трите фотографии направена во неформална и опуштена атмосфера, тој испрати и кратка порака.
„Дома си е дома, дома е и во Љубојно во Преспа. Медот е од Бујар, баклавата ја правеше мајка му на Линдим, а рибата ја спреми тетка Лилјана, мајката на Васко. Голема благодарност за гостопримството и одличната храна и до Борјан и до градоначалникот Живко. Цело е кога има се“,
напиша Заев на Фејсбук
Веднаш по завршувањето на изборите, Зоран Заев објави дека заминува на одмор. Најави дека се враќа по Илинден. Неколку дена по изборите беше отсутен од јавноста, но вчера порталот А1он.мк објави интервју со него, во кое Заев, меѓу другото, упати порака до ДУИ дека мандатот за влада го добива победникот, а не третопласираниот.