Вечерва беше промовиран кандидатот за градоначалник Томе Христоски, кој на 17 октомври ќе бара поддршка за втор мандат
Крушево е македонската гордост, со својата разноликост на култури и традиции, Крушево е Македонија во мало, град кој ја задолжил македонската историја и затоа мораме да инвестираме во неговата иднина, рече претседателот на СДСМ Зоран Заев, вечерва на предизборниот собир во Крушево, каде беше промовиран кандидатот за градоначалник Томе Христоски, кој на 17 октомври ќе бара поддршка за втор мандат.
Заев најави дека во следните четири години предвидено е Крушево целосно да се гасифицира, за да се заштити природата, но и да се намалат трошоците за загревање на домаќинствата, ќе се изгади и нов водоснабдителен систем со што ќе се надминат проблемите со слабиот притисок во летните месеци и ќе се продолжи со рехабилитација на патиштата за поврзување на Крушево со другите градови и населени места.
„Изминатите четири години се остварени големи резултати и успеси, а доказ за тоа е Крушево, знаете како беше во четирите години под ВМРО-ДПМНЕ, а како е во претходните четири години под раководство на СДСМ, разликата е како небо и земја“,
истакна Заев, вечерва во Крушево на изборниот караван „Најдоброто за мојата општина“.
Единаесет години во времето на режимот, Крушево беше заборавена општина, а неговите потреби беа игнорирани, сега гледаме инвестиции, реализација на проекти важни за граѓаните, рече Заев.
„Се излажале дека народот заборавил на сите злодела што ги направија за 11 години. На времето кога не постоеја компјутери, ако за тие текстови ви требале повеќе примероци се ставаше индиго, е токму тоа го одразува ликот и делото на Христијан Мицкоски, тој не е друго освен копија на Никола Гриуевски, ако тој е немоќен да излезе од матрицата на груевизмот, што ново ќе понуди освен најлошиот период од македонската самостојност, рече тој,“
посочи Заев.
Тој истакна дека во ВМРО-ДПМНЕ предводена од Христијан Мицкоски нема никаква промена и додека таа партија не се реформира, ќе губи на секои изборни соочувања.
„Градевме одговорно, ние немаме грешни проекти како оние што ги наследивме од режимот, не градиме за да се фалиме, туку да ја модернизираме секоја општина, да има подобри услови за живот. Над 100 милиони евра се распределени по сите општини за водоводи, канализации и прочистителни станици, затоа денес пред вас со чист образ бараме поддршка бидејќи зад себе имаме докази, како беше во ВМРО-ДПМНЕ, како е сега. Само во Крушево се реализирани проекти вредни над 6 милони евра, над 50 километри патишта, водоводи и канализации, спортска сала, параглајдинг клуб“, и
м се обрати Заев на граѓаните на трибината „Најдоброто за нашата општина“ во Крушево.
Заев потсети дека наместо архитектурата да биде траен белег ВМРО-ДПМНЕ го облекле главниот град со барок.
„Кога се градело во Македонија барок, ние имаме традицонална архитектура, а не обвинуваат дека ќе го изгубиме идентитетот, никогаш повеќе од денес не биле посочувани, бидејќи целиот свет го почитува и вреднува македонскиот јазик. СДСМ е нешто повеќе од политичка партија, пријателство, подадена рака, човечност, градител на мостови, тоа во ВМРО- ДПМНЕ никогаш не можат да го разберат, тие треба да знаат дека во Европа не постојат чисти држави, такво е и Крушево затоа кога ќе дојде овде почастете го со чомлек и додека тој ужива раскажете му дека истиот се прави различни продукти, а без нив чомлекот не би бил тоа што е, а дајте му и крушевски локум за да го разблажите од горчините што ги истура секој ден“,
порача Заев.
Претходно во текот на денот Заев ги потсети и општините Македонски Брод, како и Долнени.