Заев на видеосредба со претседателката на ЕК следниот петок

Ова ќе биде нивна прва средба од последните парламентарни избори во земјава, а неколку дена пред клучниот министерски состанок на ЕУ, на кој се очекува да биде усвоена преговарачката рамка за С Македонија

Претседателката на Европската комисија Урсула фон дер Лајен ќе оствари виртуелна средба со македонскиот премиер Зоран Заев в петок, 13 ноември, соопшти портпаролот на ЕК, Ерик Мамер, како што јавува МИА од Брисел.

Фон дер Лајен и Заев требаше да се сретнат лично кон крајот на октомври, но средбата беше откажана поради ограничувањата за ковид-19 во Белгија и самоизолацијата на претседателката, по контакт со позитивен на вирусот.

Заев, Османи и Димитров на состаноци со Мишел и Борел: Се лобира за меѓувладина конференција во декември

Средбата е сега конечно закажана за идниот петок. Ова ќе биде нивна прва средба од последните парламентарни избори во Северна Македонија, а неколку дена пред клучниот министерски состанок на ЕУ, на кој се очекува да биде усвоена преговарачката рамка за Северна Македонија.

Фон дер Лајен по Самитот: Западен Балкан е апсолутен приоритет на ЕУ и ЕК