Премиерот Зоран Заев му ја честиташе победата на претседателот на Бугарија, Румен Радев, со кој како што вели, се согласиле дека низ дијалог ќе бараат решенија за отворените прашања.
„Во телефонскиот разговор што го имав со Претседателот на Република Бугарија, Румен Радев, му ја честитав победата на претседателските избори и посакав добробит за нашиот сосед и за целиот бугарски народ. Се согласивме дека Бугарија и Северна Македонија ќе продолжат низ дијалог и меѓусебно разбирање да бараат решенија во име на заедничката европска иднина“,
напиша Заев на својот профил на Фејсбук.