Во домашна самоизолација е и новинарката на ТВ24 Душица Мрѓа која ја водеше дебатата на ТВ24 на која беа Зекири и Јанушев
Марјан Забрчанец, посебен советник за односи со јавност на претседателот на Владата, по препорака на епидемиолозите од денеска е во домашна самоизолација поради средбата со потпретседателот на СДСМ Мухамед Зекири кој објави дека тој и семејството се позитивни на ковид – 19.
Забрчанец ова го објави на својот Фејсбук профил.
„Со Зекири бев на состанок одржан во четвртокот попладне, на 1.5 м растојание, со заштитна маска и со соодветна дезинфекција пред и после состанокот. Секако, заради избегнување и најмал ризик, ќе ја спроведам препорачаната самоизолација. Немам никакви симптоми, а ќе се тестирам во текот на неделата“,
напиша Забрчанец.
Поради контакт со Зекири во домашна изолација е и новинарката Душица Мрѓа која ја водеше дебатата на ТВ 24 каде гостуваше Зекири и најави дека ќе биде тестрана исто така следната недела.
Во дебатата учествуваше и генералниот секретар на ВМРО-ДПМНЕ Игор Јанушев кој денеска објави дека се тестирал, а вечерва и дека резултатите на тестот за коронавирус му се негативни.