Оваа одлука нема да важи за угостителските објекти на Скадарлија, Ада Циганлија и на бреговите на Сава и Дунав, бидејќи за нив ќе се применува новиот закон за бучава, кој е во фаза на донесување
Заменик-градоначалникот на Белград, Горан Весиќ, изјави дека од утре, со одлука на Собранието на Белград, е забрането емитување музика во градините на угостителските објекти на територијата на главниот град во работните денови после 22 часот и во петок и сабота по 23 часот.
Оваа одлука нема да важи за угостителските објекти на Скадарлија, Ада Циганлија и на бреговите на Сава и Дунав, бидејќи за нив ќе се применува новиот закон за бучава, кој е во фаза на донесување.
„Секој комунален полицаец ќе има мерач на бучава и ќе може да го затвори објектот или да нареди прекин на емитувањето, а казните ќе бидат ригорозни“,
изјави Весиќ за ТВ Пинк.
Вчера во Белград, властите ги посетија сите угостителски објекти што емитуваа музика и ги предупредија, бидејќи, како што рече Весиќ, „никој нема право да ги малтретира обичните луѓе“.